رحمة.
حماتي أول ما شافتني، سابت كل عنجهيتها، ونزلت على ركبتها قدام المحقق، وبصتلي بدموع حقيقية المرة دي، دموع ذل وخوف من السچن والپهدلة يا منى! يا بنتي استهدي بالله! ده أنا زي أمك، هترضي لحماتك الست العجوزة تبيت في الحجز؟ اعفي عننا يا بنتي لوجه الله، دي نهى كانت بتلعب في دماغنا، والشيطان شاطر!
بصيتلها بمنتهى الهدوء وقلت زي أمي؟ أمي عمرها ما خططت تسجن حد، أمي عمرها ما رضيت تظلم ولا تنهب شقى غيرها.. فين كلامك لما قلتيلي يا شحاتة هنرميكي في الشارع ونكسر مناخيرك؟ فين كبريائك يا حماتي؟
نهى كانت بتترعش في ركن الأوضة، والغرور اللي كان مالي عينيها اتمسح وبقى بداله
ړعب هستيري.
وبعد نص ساعة، دخل أحمد مكلبش هو كمان بعد ما جابوه من محله قدام كل زمايله في السوق. أول ما دخل وشاف المشهد، أمه وأخته والكلابشات في إيديهم، والورق المزيف مفروش قدام وكيل النيابة، وشه سقط في الأرض، وعينيه اتملت دموع قهر وندم ملوش آخر.
وكيل النيابة واجههم بالتسجيل الصوتي اللي اعترف فيه أحمد بعظمة لسانه، وبالمحررات المزورة، وبتقرير الطب الشرعي المبدئي اللي أثبت إن الإمضاءات مقلدة بطريقة بدائية ومزورة تزوير مفضوح.
التهم كانت واضحة وصريحة تزوير في محررات عرفية، واستعمال محرر مزور مع العلم بتزويره، والشروع في الڼصب والابتزاز. عقوبتها سجن لا يقل عن تلات
سنين مع الشغل والنفاذ لكل المشاركين!
أحمد اترمى على الكرسي حاطط إيديه على وشه، وفضل يعيط زي الأطفال بصوت مسموع ضيعت نفسي وضيعت بيتي عشان أرضي مين؟ ضيعت عمري عشان كلام فاضي!
أنا بصيت لوكيل النيابة، وكنت واخدة قراري خلاص.. المحامي عصام قال للنيابة موكلتي مستعدة تتصالح وتتنازل في الشق الجنائي بشرط واحد ونهائي يوثق هنا في محضر رسمي وتحت إشراف النيابة.
أحمد رفع راسه بلهفة كأنه اتعلق بقشاية غريق شرط إيه يا منى؟ والله العظيم موافق على أي حاجة! لو عايزاني أبوس رجلك قدام العالم كله هوافق بس طلعيني أنا وأمي وأختي من المصېبة دي!
قلتله وصوتي كان هادي وحاسم زي حد السيف
أنا مش عايزة
نك تبوس حاجة يا أحمد.. شروطي واضحة ومش هتنازل عن حرف فيها أولاً طلاق رسمي وبائن حالا ومأذون يجي هنا يطلقني. ثانياً الشقة وعفشها بالكامل تنازل رسمي ليا وللعيال بصفتي حاضنة، من غير أي ڼزاع قضائي ولا تعرض مستقبلي. ثالثاً نفقة شهرية ثابتة لولادك تتدفع من مرتبك ببنك ناصر بخصم مباشر. رابعاً متشوفش وشي ولا عتبة بيتي تاني ليوم الدين، والرؤية لأولادك تكون في النادي أو مكان عام ساعتين في الأسبوع حسب القانون وبس. لو وافقت، هتنازل عن المحضر وتخرجوا أنتوا التلاتة بكفالة وتنتهي القضية.. لو رفضت، الورق هيروح لمحكمة الجنايات، والمحاكمة هتكون علنية، وعيالك هيكبروا يشوفوا أبوهم وعمتهم وجدتهم خارجين من السچن!
حماتي صړخت بأعلى صوتها وافق يا أحمد! وافق يا بني وبوس إيدها واخلص من الکابوس ده، ده السچن قبر يا بني!
نهى قعدت ټعيط وتقوله وافق يا أحمد عشان خاطري، أنا عندي بنات وخطوبتهم هتتفشكل لو اتحبست، وافق الله يسترك!
أحمد بصلي، كانت النظرة الأخيرة اللي
شوفتها في عينيه، نظرة راجل خسر كل حاجة في لحظة واحدة خسر احترامه لنفسه، خسر بيته، خسر ولاده، وخسر الست اللي كانت شايلاه في عيونها عشر سنين ومستعدة تفديه بروحها لو كان بس صانها.
مسك القلم بإيد بتترعش، ومضى على كل التنازلات، ومضى على إقرار التمكين للشقة، وحضر المأذون ورمى عليا يمين الطلاق في مكتب القسم.
أول ما المأذون قال جملة أنتِ طالق، حسيت بحمل تقيل كان جبل نايم على صدري اتشال في ثانية واحدة. حسيت بنسمة هوا نضيفة ردت في روحي الحياة من جديد.
مضيت على التنازل عن الشق الجنائي، وسبتهم في القسم يكملوا إجراءات خروجهم المڈلة، وخرجت أنا وطارق والمحامي.
الشمس كانت طالعة في السما، والسما صافية وجميلة بشكل عمري ما شفته قبل كده. رجعت على بيت أمي، فتحت الباب، لقيت عمر ومريم بيجروا عليا وفاتحين دراعاتهم ماما! اتأخرتي ليه يا ماما؟
نزلت على ركبي وحضنتهم الاتنين، عيطت في حضنهم بس المرة دي كانت دموع حرية، دموع نصر، دموع ست اختارت كرامتها وحاربت عشانها
لحد ما انتصرت.
أمي
بصتلي وابتسمت والدموع في عينيها حمد الله على سلامتك يا بنتي.. حمد الله على سلامة روحك اللي رجعتلك.
بعد شهرين اتنين من اليوم ده.. رجعت شقتي مع ولادي، الشقة اللي بنيتها بعرقي وشقايا، غيرت الكوالين، وغيرت دهان الحيطان، ورميت كل حاجة كانت بتفكرني بيهم برة البيت. عملت مشروع أكل بيتي صغير وبدأت أشتغل وأصرف على عيالي بعزة نفس وكرامة، وعمري ما احتجت لحد فيهم ولا استنيت منهم كلمة.
عرفت بعدين من الجيران إن نهى أخت جوزي جوزها عرف باللي عملته وبهدلها، ورجعها بيت أمها مکسورة العين، وإن خطوبة بنتها اتفركشت بسبب الڤضيحة اللي عملوها لنفسهم. وأحمد لسه عايش تايه، بيلف في الشوارع مكسور الهيبة، ندمان على كل دقيقة خسرني فيها، وكل ما يحاول يبعتلي حد يترجاني أرجعله أو أسامحه، كنت بقفل الباب في وشهم وبقول كلمة واحدة
العِشرة مبتتهنش، واللي يبيع الأصل عشان يشتري الخساسة، ملوش عندي غير النسيان.. والكرامة لما بتتباع، مبترجعش حتى لو بكنوز الدنيا
كلها.
