حماتي وأخت جوزي أكلوا العشا 2
ـ أستاذ كريم… التحقيقات أثبتت وجود تلاعب في الحسابات اللي كنت بتمسكها لعملاء شركة المهندس صلاح، بالإضافة إن السلوكيات اللي ثبتت عليك في المحاضر الرسمية بتمس سمعة الشركة وأخلاقياتها. بناءً عليه، تقرر فصلك نهائيًا من العمل بدون مكافأة نهاية الخدمة، وإحالة الملف للنيابة العامة للمراجعة المالية.
سقطت الكلمات على كريم كالصاعقة:
ـ فصل؟! يا فندم أرجوك اسمعني! دي مشاكل عائلية وشخصية!
رد المدير وهو بيشاور للأمن:
ـ اتفضل اجمع حاجتك واخرج برة الشركة فورًا… الأمن هيرافقك لحد الباب.
خرج كريم من الشركة وهو مكسور ومتدمر.
وصل العمارة بتاعته الساعة واحدة الضهر، أول ما نزل من العربية، لقى عربية شرطة واقفة قدام الباب، ومعاها المحامي بتاع ياسمين، وياسمين واقفة جنب باباها بكامل أنوقتها وثقتها.
كانت الحاجة نوال ودينا واقفين على رصيف الشارع، وشنط هدومهم مرمية جنبهم على الأرض، ونوال بتبكي وتصرخ من الفضيحة قدام الجيران اللي كانوا واقفين في البلكونات بيتفرجوا.
جرت نوال على كريم أول ما شافته، ومسكت فيه وهي بتصرخ:
ـ شفت يا كريم؟! الشرطة من ! جابوا نجار الكالون وغيروه، ورموا هدومنا في الشارع! اطلب الشرطة! اعمل حاجة يا ابني!
قرب المحامي من كريم وابتسم بسخرية وهو بيدي له ورقة:
ـ دا صورة من تنفيذ قرار التمكين الصادر من نيابة الأسرة لصالح موكلتي الأستاذة ياسمين. الشقة دلوقتي في حيازتها الكاملة، ويحظر عليك أو على أي حد من قرايبك الاقتراب من العمارة بمسافة مائة متر، وإلا هتنفيذ حكم الحبس المباشر.
نظر كريم لياسمين، اللي كانت تمشي بثبات نحو باب العمارة.
قبل ما تدخل، التفتت ونظرت لنوال ودينا وكريم المرميين في الشارع جنب الشنط، وقالت بصوت سمعوا كل الجيران:
ـ الأكل اللي أكلتوه بقلة أصل… دفعتم تمنه غالي أوي. والشارع اللي أنتوا واقفين فيه دلوقتي… هو المكان الوحيد اللي يليق بيكوا.
دخلت ياسمين العمارة مع باباها، وأغلقت الباب الحديدي الكبير خلفها، وسابت كريم وأمه وأخته واقفين في الشارع، بلا شغل، ولا حسابات بنكية، ولا شقة، وفضيحة بتهز المنطقة كلها.
لكن الأحداث ما انتهتش هنا…
لأن نوال، من كتر الصدمة والغل، وقعت على الأرض مغمى عليها ونزفت من بقها، وكريم بقى واقف بين أمه المرمية في الشارع، وأخته اللي بتصرخ، والبوليس اللي بيراقبه من بعيد.
تفتكروا كريم هيعمل إيه وهو مفلس وبلا شغل وأمه بين الحياة ؟ وهل ياسمين هتقف عند نقطة دي، ولا القضايا المالية هتدخل كريم بجد في الجزء الخامس؟
