حكايات رشا خالد 2
أهلي اتخضوا واتوتروا، لكن أنا كنت أهدى مما يتصور أي حد.
كنت مجهزة كل حجر في الشطرنج قبل ما أحركه.
يوم الجلسة في النيابة، دخلت بكامل أنالقتي وثقتي.
كان كريم واقف بالكلبشات، هدومه متبهدلة، وشه شاحن وعينيه مليانة غل وخوف. أمها وأخته كانوا قاعدين ورا بيعيطوا ويندبوا حظهم.
المحامي بتاعه بدأ يتكلم بثقة ويزيط:
ـ يا فندم المتهمة استغلت موكلي وسرقت فلوس القرض عن طريق أوامر تحويل وهمية، ودلسته وأقنعته بستقالة من شغله عشان تغرقه في الديون وتتهرب من الالتزام الشرعي والقانوني كزوجة!
وكيل النيابة بصلي وقال:
ـ إيه ردك يا سارة على الكلام ده؟ هل فيه عقد جواز قائم؟ وهل استلمتي أي مبالغ من القروض دي؟
ابتسمت وطلعت ملف أسود من شنطتي، وسلمته لوكيل النيابة بمنتهى الهدوء:
ـ يا فندم، أولاً: بالنسبة للادعاء بالزوجية، ده إفادة رسمية صاردة من مصلحة الأحوال المدنية ومكتوبة بختم النسور بتؤكد إن العقد لم يُسجل إدارياً مطلقًا بسبب تلف البيانات وقتها، وما حصلش أي دخول أو زفاف شرعي، وده شهادة المأذون نفسه الموثقة.
كملت وأنا ببص لكريم ببرود:
ـ ثانياً: بخصوص الادعاء بإني استوليت على الفلوس، دي صورة من كشوفات الحسابات البنكية الخاصة بالأستاذ كريم. 5 مليون جنيه اتحولوا بالكامل لحساب أخته “روان”، وهي اللي سحبتهم واشترت بيهم عملة صعبة. والمليونين التانيين اتصرفوا على تذاكر طيران وفنادق فاخرة بأسماء كريم وأبوه وأمه وأخته، وأنا حسابي البنكي ما دخلوس مليم واحد من أيا من القرضين!
وكيل النيابة بدأ يقلب في الورق، وشه اتغير ونظرته لكريم ومحاميه بقت حادة جدًا.
أنا ما اكتفيتش بكده… طلعت كارت التوت الرابح:
ـ وأخيراً يا فندم… ده تسجيل صوتي ومحضر تفريغ رسمي معتمد، لكريم وأهله في مطعم “الإمبراطور” يوم كتب الكتاب، وهما بيخططوا لإجباري على سداد أقساط قرض لم أستفد منه بمليم، وبيبتزوني بمرتبي، غير تسجيلات بصوته وهو بيعترف إنه اقترض الفلوس لأخته واستقال بملء إرادته عشان يضغط عليا!
المحامي بتاع كريم لسانه اتعقد وما عرفش ينطق بحرف.
كريم اترعب وصرخ في القاعة:
ـ انتِ كنتِ بتسجليلي يا سارة؟! انتِ شيطانة!
رد وكيل النيابة بصوت هز القاعة:
ـ اسكُت خالص! انت جاي تتهم الناس بالنصب وانت وأختك متبدعين ومقترضين بنية والتزوير؟!
في نفس اللحظة، أمر وكيل النيابة بحفظ البلاغ المقدم ضدي نهائيًا، وتحويل كريم وأخته للنيابة ، وحجز الأخت على ذمة التحقيق معاه التستر والتصرف في أموال متحصلة من قروض غير مسددة!
لما العساكر أخدوا كريم وأخته بالكلبشات، حماتي جرت وراهم وهي بتصرخ وتلطم على وشها في الممر.
